ako'y tutula

Sabi nila manunulat daw ako
Sabi nila magandaw daw mga tula ko
Sabi nila bakit daw ayaw kong ipabigkas
ang nilalaman ng puso ko
Sabi nila puro nalang ako pagtatago
Wala ng alam kungdi ang umupo
Paano daw uunsad ang pusong umiibig
kungdi ko pagsisigawan sa kanya

Tiningnan ko sila sabay ng paglingon ko sa iyo
Ngumiti na parang sira
Alam na niya, sa sobrang alam niya hindi niya kinaya
Kaya eto KAMI NA
Itinaas ang singsing na kanyang binigay
At lumapit ka at ako'y hinagkan

Parang telenobela diba
Ang akala mo di maari
Sa dulo ng iyong paghihintay
Pwede palang mangyari :D

Jeepney

Jeepney

Sabi nila malapit ka ng lumisan

Sabi nila unti-unti ika’y pilit na kakalimutan

Paano na ang mga alaala na iyong ibinahagi

Sa mga panahong iyong inilagi

Paslit pa lamang nung una kitang nasilayan

Tuwang-tuwa sa bawat pag-abot ng bayad

Na parang maliit na konduktor kung umasta

Sinasabayan ang pagyugyug ng metal na sasakyan

Ang mga mahika ng pag-guhit sa iyong gilid

Ang mga palamuting “gawang pinoy” ang nakasabit

Ang mga rosaryo na gumagabay sa iyong pagkalakbay

At ang nag-iisang KABAYO sa harap na laging nakaagapay

Ang mga nakakatuwang mga karatula

Na di mo alam kung nang-iinis

O sadyang pampapawi lamang ng pagod sa buong magdamag

“Hatak mo, Stop Ko!, Basta Seksi Libre, Bayad muna BAGO TULOG, God Knows Judas not pay”

Bitbit mo ang karanasan ng aking pagkaestudyante

Ang mga mala biyaheng langit mong patakbo

Sabay ng tugtugan na mga hugot song na El Bimbo

“Aba kumapit ka baka ika’y tumilapon”

Ang pilit mong pagsiksik sa “LIMA PA KASYA”

kahit na hindi mo na mai-upo ang pwet mo

Sige siksik pa, kahit na nakasabit ka lamang sa hawakan

At ang mga paa mo’y manhid na sa bigat ng iyong katawan

May mga oras naman na ang takbo ni manong tsuper kasing bagal ng pagong

Minsan pa’y nasasagap mo na ang chismisan sa katabi mo

At ang ibat-ibang amoy at bitbitin ng ibang pasahero nakasalamuha mo

Wala ka parin sa kinaroroonan mo

At ngayon, nagtatalo ang lahat at ika’y bibitawan na

Mga alaala ng nakaraan pilit ng tinatangal

Paano na ang mga umaasa sa iyong pag-takbo

Bukas ika’y wala na at papalitan na ng bago

Ikaw ang simbolo ng bawat Pilipino

Kahit na maliit at metalica,

ika’y nakikipagsabayan sa laki ng mga train to BUSan

hindi nagpapaawat kahit na mundo makabago na

walang kupas ang tirada

Ang nag-iisang JEEP ng masa

Isang masigabong palakpakan

sa nag-iisang Hari ng kalsada

ANG BUWAN by janine kaye

Nakakatuwang titigan ang iyong ganda

Wangis mo’y parang diamanteng umiilaw sa madilim kong nakaraan

Sa tuwing ika’y aking inaantay

Tanaw ko sa malayo ang matamis mong pagbabantay

Hindi ko alam kung ano ang aking nararamdaman

Pero pag ika’y nandyan taglay ko ang sayang di ko maintindihan

Masaya ako sa mga oras na ika’y aking natatanaw

Dahil alam kong ako’y may ilaw sa mga gabing aking dadaanan

Sa bawat aking pagtingala

Dama ko ang iyong pagkalinga

Di ko malilimutan ang mga ngiting iyong naibigay

Kahit na nung ako’y musmos pa lamang

Kaya’t ako’y nalulungkot pag di ka nasisilayan

Dahil alam kong tinatago mo ang lungkot sa iyong paligid

Na kahit pinipilit mong lumapit

Tayong dalawa ay di magkakalapit

Kaya mahal kong buwan

Sa mga oras na ako’y nakatingala

Wag ka sanang mapagod sa mga bulong kong walang kakupaskupas

Dahil ako’y laging maghihintay

Sa bawat minutong ikay lilitaw

TULA! by Janine Kaye

Alas kwatro ng tanghali
Minulat mo ang iyong mga mata
Mula sa isang buong gabing pagkabihag
Sa mundong nais mong galawan.

Na sana marating mo na
Pinagmamamasdan ang mga ukit sa itaas
Na parang ang bagal ng oras
Pero eto ka nakatingala sa iyong pangarap

Minsan naisip mo sana may kapangyarihan ako
Ng marating ko lahat ng ninanais ko
Araw-araw, paulit-ulit
Sana merong lakas na bumangon mula sa pagkahimbing

Umupo ka sa madilim na sulok ng paligid
Ang mga liwanag ay kumukutitap
Kasama mo ang iyong alaga
Pareho kaung nakikinig sa agos ng buhay

Nakakatawang isipin
Na ang musmos mong isip
Ngaun ay malaya ng hinanahanap ang lawak ng mundo
Nakakatakot pero eto ka natatawa lamang....

Nagbuntong hininga ka
Kumuha ng halakhak
Kelangan kong tumayo dito sa aking pagkalugmok
Umalis at tahakin ang mundong aking pangarap

Alas kwatro ng tanghali
Umulit nanaman ang tadhana
San ba pupunta?
Ang tanong... San mo ba gusto pumunta..............